ქართული ლექსიკონი
05/02/2014
ავტორი: გ. ცოცანიძე, ნ. ლოლაძე, ქ. დათუკიშვილი
ISBN: 978-9941-15-854-4
გამომცემლობა: ბაკურ სულაკაური
გვერდების რაოდენობა: 928
ყდა: რბილი
ფორმატი: 17X24
ფასი: 25.90
გამოცემის წელი: 2014
ანოტაცია
"ქართული ლექსიკონი" პირველი ქართული ილუსტრირებული სასწავლო განმარტებითი ლექსიკონია და მოიცავს თანამედროვე ქართული სალიტერატურო ენის აქტიურ სიტყვიერ მარაგს. მასში ასახულია უკანასკნელ ათწლეულებში მიმდინარე სოციალურ-პოლიტიკური მოვლენების შედეგად გაჩენილი ნეოლოგიზმებიც.
ლექსიკონი სასწავლო დანიშნულებისაა, ამიტომ მასში ზოგიერთ სალექსიკონო ერთეულთან მითითებულია პარონიმი და ყველაზე გავრცელებული ორთოგრაფიული შეცდომები. სახელები მოცემულია სახელობითი ბრუნვის, ხოლო ზმნები - საწყისის ფორმით.
ლექსიკონს ახლავს დანართები: ზმნის პირიანი ფორმების საძიებელი, გეოგრაფიული სახელების საძიებელი და რიცხვითი სახელების საძიებელი.
"ქართულ ლექსიკონში" შესულია:
25 ათასზე მეტი სალექსიკონო ერთეული
29 ათასამდე ზმნური ფორმა
9 ათასამდე ნაწარმოები სიტყვა და ფრაზა.
ასინქრონი
05/02/2014
ავტორი: ეკატერინე ტოგონიძე
ISBN: 978-9941-23-045-5
გამომცემლობა: ბაკურ სულაკაური
გვერდების რაოდენობა: 160
ყდა: რბილი
ფორმატი: 13X19.5
ფასი: 7.90
გამოცემის წელი: 2014
ანოტაცია
ეკატერინე ტოგონიძე, ჟურნალისტი, დაიბადა 1981 წლის 16 მარტს. მისი ნაწარმოებები იბეჭდება 2011 წლიდან. მიღებული აქვს სხვადასხვა ლიტერატურული ჯილდო: „ერთი მოთხრობის კონკურსი" (2011 წ); „თხუთმეტი საუკეთესო ქართული მოთხრობის" პრემია (2012 წ), პრემია „საბა" (2012 წ).
2013 წელს გერმანულენოვან ანთოლოგიაში "Techno Der Jaguar" შევიდა მცირე რომანი „ს-ხ-ვ-ა გ-ზ-ა"; ეს რომანი შეირჩა ავსტრიაში „ვენური კაფეების დღეებზე" საკითხავად; ამავე რომანის მიხედვით შექმნილმა პროექტმა გაიმარჯვა საქართველოს კინოცენტრის „სცენარების განვითარების კონკურსში". ეკატერინე ტოგონიძე იყო ლაიპციგის წიგნის ბაზრობის ოფიციალური სტუმარი და „ბერლინის ლიტერატურული კოლოკვიუმის" სტიპენდიანტი.
რომანში მოთხრობილი ამბავი განსაკუთრებული შემთხვევაა – თემა, რომელზეც ნაკლებად საუბრობენ. მთავარი გმირების პროტოტიპები რეალური ადამიანები, ამერიკელი დები არიან, თუმცა მოვლენები ქართულ გარემოში ვითარდება, შეუწყნარებელ საზოგადოებაში, სადაც უჭირთ განსხვავებულის მიღება, სადაც პირადი ტრაგედია შესაძლოა სასტიკ საცირკო სანახაობად იქცეს.
მკითხველიც გმირებთან ერთად განიცდის შიშს, სიყვარულს, მიჰყვება გაორებულ ფიქრებს – მუდმივ არჩევანს გონებასა და გულისთქმას, სიცოცხლესა თუ სიკვდილს შორის. წარსულის ერთი შეხედვით უკვალოდ ჩავლილი შეცდომები ზოგჯერ მოულოდნელად გვიბრუნდება - წინასწარ არავინ იცის, რომელ ნაპირზე გაგვრიყავს ჩვენს ცხოვრებაში მოვარდნილი წყალდიდობა. მარტოობა, ყველაზე მჭიდრო თანაარსებობის პირობებშიც კი, გმირების გარდაუვალი რეალობა და სასჯელია.
მორიდებული ზურმუხტი
14/01/2014
ავტორი: აკა მორჩილაძე
ISBN: 978-9941-15-946-6
გამომცემლობა: ბაკურ სულაკაური
გვერდების რაოდენობა: 360
ყდა: რბილი
ფორმატი: 15.5X23
ფასი: 14.90
გამოცემის წელი: 2013
ანოტაცია
აკა მორჩილაძის ახალ რომანში თბილისს ფოთი ჰქვია, ფოთს კი – თბილისი. იმპერატორის საგანგებო ბრძანებით გადაურქმევიათ სახელები ქალაქებისთვის და ამაში მეტად ჩახლართული აზრი ჩაუდიათ. რომანშიც ყველაფერი ასეა ჩახლართული. გასაოცარი ამბავი დიდი ამბოხებისა, რომელიც თითქმის მთელ საქართველოს მოიცავს – თბილისსაც, ფოთსაც, ქუთაისსაც და დაუსახლებელ ტყეებსაც, ერთი მხრივ, სრულიად დაუჯერებელია, თუმცა, იმდენად დამაჯერებლადაა მოთხრობილი, რომ მის ნამდვილობაში მკითხველს ეჭვი ერთი წამითაც არ ეპარება. წიგნს არაფერი აქვს საერთო რეალობასთან, მის პერსონაჟებს არ იცნობს საქართველოს ისტორია, თუმცა კითხვისას მყარია შთაბეჭდილება – "ისტორიულ რომანს ვკითხულობ". ასევე მყარია შთაბეჭდილება – "ეს პასაჟი მეცნობა". საიდან? ამის გაგებაში მკითხველს ბოლო გვერდზე მოცემული გამოყენებული ლიტერატურა დაეხმარება.
პრეზიდენტი სტუმრად მოვიდა
14/01/2014
ავტორი: ლაშა ბუღაძე
ISBN: 978-9941-23-023-3
გამომცემლობა: ბაკურ სულაკაური
გვერდების რაოდენობა: 144
ყდა: რბილი
ფორმატი: 13X19.5
ფასი: 5.90
გამოცემის წელი: 2013
ანოტაცია
ბუღაძის „პრეზიდენტი სტუმრად მოვიდა“ პირველი ქართული თანამედროვე პიესაა, რომელიც ლონდონის თეატრ „როიალ ქორთში“ დაიდგა. ეს აბსურდული, სატირული კომედია შავი იუმორითაა გაჯერებული და სიმხდალისა და ძალაუფლების შესახებ მოგვითხრობს“.
lucrecia515
14/01/2014
ავტორი: ლაშა ბუღაძე
ISBN: 978-9941-15-939-8
გამომცემლობა: ბაკურ სულაკაური
გვერდების რაოდენობა: 246
ყდა: რბილი
ფორმატი: 13X19.5
ფასი: 7.90
გამოცემის წელი: 2013
ანოტაცია
როგორ მოიქცეოდა მადამ ბოვარი, სკაიპი რომ ჰქონოდა? როგორ იძიებდა შურს მედეა იასონზე, ფეისბუქის მომხმარებელი რომ ყოფილიყო? მიუსწრებდა თუ არა რომეო ჯულიეტას, წერილი ელექტრონული ფოსტით რომ მიეღო? შეძლებდა თუ არა სანდრო პირადი სივრცის დაც ვას უცხო სხეულებისგან, ინტერნეტი რომ არ ჰქო ნოდა? მკითხველს, რომანის პერსონაჟების მსგავსად, სანდროს პირადი ფოსტის გატეხვა მოუწევს, და თუკი იქ შესვლას მოახერხებს, იმას იპოვის, რაც წიგნში არ წერია. ლაშა ბუღაძის თანამედროვე დონ ჟუანის ტრაგიკომედიაა.
« დაწყება წინა919293949596979899100შემდეგიბოლო»